緣聚西日餐廳 (西裕街) (已結業)

琴日生日，咁啱食肆开番堂食到十点。但因为啱啱开番堂食，唔想去油尖旺区太多人，于是揾下元朗有咩自助餐食。揾到呢间好似ok，就决定黎试下。间野系西箐街，系嘉城广场后边。如果搭轻铁可以系康乐路落车往中银方向行，经过公园去到嘉城广场，兜去后边就见到有指示牌。一黎到，侍应好细心安排左系间隔开既房仔入边，环境同气氛我觉得唔错。我差唔多六点去到，人唔算多。坐低会俾张有QR code既纸仔，直接用手机扫Code就可以落单。呢度D虾刺身，三文鱼刺身唔错。可以叫埋边炉但款式唔多，汤底我要左番茄芝士。我都叫左几多野食，其中羊架、鱼、生蚝我觉得ok，生蚝要蒜蓉果只。甜品一定要试，好好味。同埋野饮我会饮荔枝乌龙茶，同d野食几架。值得间中黎下，唔知系唔系因为啱啱开番，野食款式唔算特别多。会再来试，希望可以再多d选择啦。