黑木亭-お食事処 (玉成大廈) (已結業)

铁板活海鲳 $268呢个铁板鳗鱼超好味，佢嘅蒲烧汁调味较为淡，食到鳗鱼嘅鲜味。而且喺铁板上边亦都可以有效保持温度。肉质非常厚，但依然保持到水份，爽脆香甜，外皮焦香带点烟韧，油分都好丰富，层次感相当好！唐扬小池鱼$68呢个就好似炸多春鱼咁，但系佢比起多春鱼酥脆好多，骨都比较幼，口感比较一致！A5宫崎和牛舞茸野菌薄烧 $288呢个小编非常推荐，和牛嘅份量非常多，外表睇落去色泽好靓，薄烧和牛将油香逼晒出黎，加埋野菌独特嘅香味，真系隔篱枱都闻到。牛肉肉质好嫩，轻轻都咬得开！入口即溶，牛香系口腔徘徊！细心嘅，系用咗野菌垫底，牛肉嘅油会隔底，但我地开始食野菌嘅时候又会有丰富嘅油香！蜜桃乌龙熊茶 $58小编比较钟意呢个蜜桃乌龙茶茶香较重，今日咁丰富嘅晚餐有佢解腻非常好，蜜桃乌龙清香，熊仔糖用埋增加甜度，配搭几好！北海道士多啤梨牛乳乳酸 $48士多啤梨真系好甜，配埋乳酸比起蜜桃乌龙更加解腻。