喬木

营业中

休息中

今日难得平日同埋老公一齐放假，好想食日本野。一心谂住碰吓运气，未必有位。点知去到问如果冇book 位walk-in 得唔得，有个女侍应好nice 出嚟招呼，话当然冇问题，原来今日1 点左右得1 枱客。坐低之后，即刻放低2 杯热茶，女侍应见到我地好热，即刻问我哋要唔要2 杯冰茶，非常细心！冰茶麦味香浓，简直透心凉。之后放低碟支豆，小小盐喺面，食完一条又一条。我哋叫咗滑蛋咖喱吉列海老定食同寿喜汁烧安格斯牛肉定食。小食嘅蛋饼、腌制牛蒡、鳗鱼、沙律非常新鲜，茶碗蒸有好香嘅黑松露系底，但一啲都冇抢到蛋味，加上有小贝柱溶系蛋面，加强口感，非常惊喜，相信其他舖头好难食到。味噌汤有件鸡肉，唔太咸，唔错。乌冬面好滑，炸虾嘅炸粉恰到好处，咖喱汁唔辣，不过我见唔到边度有滑蛋。安格斯牛肉松软，捞埋生蛋真系好juicy !最后芝麻奶冻甜品都有惊喜！整体每样少少份量超级饱！其实Menu选择都几多，职员又殷勤，仲冇加一，店舖木制装修，不断播住relax 音乐，好舒服。相信好快会再嚟食过，支持用心小店。临走见到有儿童餐同bb 櫈，下次带埋呀女嚟！