影片
更多
2020-06-17
7128 浏览
.揾开黄店嘅时候揾到依间元朗私房菜，睇到佢faceboook page 个FAQ咁多规则，都有少少吓窒咗，不过最后都系Book咗黎试下😝（想知自己去佢fb page 睇）🤣首先上咗个包先，上面铺满晒Parmesan cheese🧀，芝士咸香味十足，仲可以点油醋同埋连埋parma ham一齐食。重点系个包系热辣辣同好软熟，好高质呀🤤然后就到沙律啦，沙律菜好新鲜，仲有好多唔同颜色同好甜嘅蕃茄，混合埋落咗黑醋嘅沙律菜一齐食，好开胃。👍🏻至于个餐汤系蘑菇汤，卖相好似麻麻地，但其实系好好饮🤤。个汤够热就基本啦，仲要好creamy 同埋食到啖啖打成蓉嘅蘑菇蓉，口感一流。然后就系全日嘅重点，威灵顿牛柳啦🤩。一上枱已经觉得摆盘好靓。个牛柳有四层：酥皮，parma ham ，菇粒同埋牛柳。其实一切开个牛柳果四层系必然会散开，自己夹返埋一齐食，系好有口感，个酥皮好香唔油，而个牛肉质好鲜嫩又唔腻，真系食到停唔到口🤓。而啲配菜都唔可以睇少，个薯仔有好重牛油味，仲焗到个外皮好脆，真系第一次食到咁好食嘅薯仔🥰。仲有啲碎菇粒同埋两条甜萝卜都唔错，系个蒜头嘅蒜味真系有啲重，唔系好啱我食😝。然后就系
揾开黄店嘅时候揾到依间元朗私房菜，睇到佢faceboook page 个FAQ咁多规则，都有少少吓窒咗，不过最后都系Book咗黎试下😝（想知自己去佢fb page 睇）🤣
首先上咗个包先，上面铺满晒Parmesan cheese🧀，芝士咸香味十足，仲可以点油醋同埋连埋parma ham一齐食。重点系个包系热辣辣同好软熟，好高质呀🤤
然后就到沙律啦，沙律菜好新鲜，仲有好多唔同颜色同好甜嘅蕃茄，混合埋落咗黑醋嘅沙律菜一齐食，好开胃。👍🏻
至于个餐汤系蘑菇汤，卖相好似麻麻地，但其实系好好饮🤤。个汤够热就基本啦，仲要好creamy 同埋食到啖啖打成蓉嘅蘑菇蓉，口感一流。
然后就系全日嘅重点，威灵顿牛柳啦🤩。一上枱已经觉得摆盘好靓。个牛柳有四层：酥皮，parma ham ，菇粒同埋牛柳。其实一切开个牛柳果四层系必然会散开，自己夹返埋一齐食，系好有口感，个酥皮好香唔油，而个牛肉质好鲜嫩又唔腻，真系食到停唔到口🤓。而啲配菜都唔可以睇少，个薯仔有好重牛油味，仲焗到个外皮好脆，真系第一次食到咁好食嘅薯仔🥰。仲有啲碎菇粒同埋两条甜萝卜都唔错，系个蒜头嘅蒜味真系有啲重，唔系好啱我食😝。
然后就系龙虾汁煎南极鱼，个鱼皮有少少厚到，煎到好香脆，鱼肉都嫩滑，不过个鱼就有少少唔熟，不过我相信系意外黎🤣。个龙虾汁好香浓又唔太咸，可以当汤饮埋🤤，好满足。
订位嘅时候都有问甜品洗唔洗写字，所以餐厅都知依一餐系庆祝生日嘅。佢哋都好贴心咁准备埋蜡烛同主动帮我哋影相。而甜品就系咖啡朱古力蛋糕，个蛋糕系专登雪耐啲等佢硬身一啲去营造雪糕蛋糕嘅口感，蛋糕面系用咗70%浓度嘅朱古力酱，唔会太甜又唔会太腻，真系好有惊喜。🥰
订位嘅时候餐厅都会问下我地嘅食量同埋有无食物系唔食，咁我就拣咗正常食量嘅，最后埋单就系每人$1000 唔需要另收加一。而饮品就系到时直接喺雪柜拎，食完再一次过收钱。最想赞下侍应姐姐，超级好服务态度，都有帮我哋换下碟同清洁干净张枱，又好好笑容，每上一道菜都会好清楚咁介绍菜式同食法，令到我哋都食得好满意。🥰如果问我有咩可以改善嘅话，我会建议佢哋啲碟同碗用晒玻璃会更好。😝 餐厅又两张高枱，每张可以容纳2-3人，仲有个梳化位，都可以坐到6-8人。我地依餐都食咗两个几钟，所以想食就真系要预早book 位啦。
张贴
