影片
更多
2022-12-21
31 浏览
K&L Dream cafe📍元朗凤攸南街9号好顺利大厦地下60号舖呢日朋友返夜，专程赶落嚟睇我放工后去凤攸街附近揾食，我见呢间cafe门面唔错，价钱好合理，于是就入去食咗一餐好好味嘅晚餐。佢嘅店员全部都好细心同有礼貌，食物亦好有心机摆盘，而且价钱合理抵食，非常值得一试！ 💰$0是日餐汤及蒜蓉包 🥣🥖呢款汤应该系南瓜汤，佢用料好足，饮落好浓啖啖都系南瓜蓉，但口感又出奇地幼滑，而且份量唔细，我哋两个人share嚟饮都啱啱好！蒜蓉包嘅边烤得好香脆，但包心好软熟，蒜蓉味适中，牛油亦唔会过多过腻，朋友大赞好食！柚子提子干杂菜沙律 🥗虽然系跟餐头盘，但size一啲都唔细，两份分都分到两小碟！佢嘅杂菜包括火箭菜、紫椰菜、生菜同豆苗等，沙律酱偏酸带少少甜味，好醒胃。上面嘅柚子系一大惊喜，唔酸，无苦涩味，好加分！提子干嘅量都多，唔会有渣，前菜嚟讲，接近满分！ 💰$228燕麦啤酒炖纽西兰羊膝 🐑去西餐叫羊肉通常都只系得烤羊架，有几可会见到有羊膝食？所以我哋拣左呢个啤酒炖羊膝嘅晚餐，谂住一场嚟到就试下啲新鲜嘢。果然我哋嘅决定系无错，羊膝拆肉之后又成个碟面咁多，朋友切嘅时候基本上唔洗点用刀大力切，就好易拆成
📍元朗凤攸南街9号好顺利大厦地下60号舖
呢日朋友返夜，专程赶落嚟睇我放工后去凤攸街附近揾食，我见呢间cafe门面唔错，价钱好合理，于是就入去食咗一餐好好味嘅晚餐。佢嘅店员全部都好细心同有礼貌，食物亦好有心机摆盘，而且价钱合理抵食，非常值得一试！
[价钱 Price]
💰$0
是日餐汤及蒜蓉包 🥣🥖
呢款汤应该系南瓜汤，佢用料好足，饮落好浓啖啖都系南瓜蓉，但口感又出奇地幼滑，而且份量唔细，我哋两个人share嚟饮都啱啱好！
蒜蓉包嘅边烤得好香脆，但包心好软熟，蒜蓉味适中，牛油亦唔会过多过腻，朋友大赞好食！
柚子提子干杂菜沙律 🥗
虽然系跟餐头盘，但size一啲都唔细，两份分都分到两小碟！佢嘅杂菜包括火箭菜、紫椰菜、生菜同豆苗等，沙律酱偏酸带少少甜味，好醒胃。上面嘅柚子系一大惊喜，唔酸，无苦涩味，好加分！提子干嘅量都多，唔会有渣，前菜嚟讲，接近满分！
[价钱 Price]
💰$228
燕麦啤酒炖纽西兰羊膝 🐑
去西餐叫羊肉通常都只系得烤羊架，有几可会见到有羊膝食？所以我哋拣左呢个啤酒炖羊膝嘅晚餐，谂住一场嚟到就试下啲新鲜嘢。果然我哋嘅决定系无错，羊膝拆肉之后又成个碟面咁多，朋友切嘅时候基本上唔洗点用刀大力切，就好易拆成一丝丝嘅肉丝，骨肉分明，煮得入味之余非常嫩口，唔讲以为系慢煮嘅添！
垫住阳湿嘅系番薯茸，比起一般用薯仔做嘅薯蓉多咗一阵甜味，同个sauce好夹，而且番薯嘅口感比较厚实，夹住羊肉一齐食，口感更rich！配菜仲有啲青瓜粒同翠玉瓜粒，算系几健康嘅一个主菜。
[价钱 Price]
💰$178
脆皮德国咸猪手 🐖
重头戏当然系呢只脆皮德国咸猪手啦，话明脆皮，真系无呃人㗎，佢嘅皮食落卜卜声，连我咁怕肥嘅人都食晒啲皮呀！佢嘅猪手肉唔会过硬过柴，虽然唔系有好多肉汁，但啲肉一啲都唔韧，好易切同咬，而且唔会过咸，调味同口感都一流！
我同朋友都非常之喜爱佢个酱汁，店员同我哋讲个酱汁系厨师自己调配，叫做蜜糖芥末籽酱。其实味道食落就同一般蜜糖芥末酱分别唔大，但最大嘅分别就在于佢嘅texture，佢系偏流质嘅酱汁，系可以用匙羹不到嘅酱汁。到底佢有几好味，就系连平时食得好清嘅朋友，都要淋返一两羹酱落去嚿猪手度先食，可想而知佢有几大吸引力！
价钱 Price]
💰$42
抹茶鲜奶 🍵
饮品当然离不开我最爱嘅抹茶鲜奶啦，刚刚上枱嘅时候层次都好分明，用饮管一饮到底，会饮到好龙好甜嘅抹茶浆。用调味棒搅匀之后，味道变得啱啱好，唔会过甜。佢比平时嘅抹茶鲜奶特别，因为面头唧咗一层厚厚嘅cream同用薄荷叶装饰，整个感觉就好似饮紧奶昔或者特饮咁样，比较特别，适合打卡！
张贴
