簡.聚

营业中

休息中

今日假期，去咗元朗行下。行到朗屏站附近的安宁路，见到一间新开张嘅餐厅，见到装修好靓，决定入去食下。入到餐厅，餐厅内部装修简洁，里面好多花嘅摆设，环境舒适。我叫咗一个$108 嘅鳗鱼配吉列炸虾鳗鱼汁义大利饭套餐，配南瓜汤同黑糖餐包。妈咪就叫咗$118嘅香煎盲鏪鱼柳配日式柚子汁餐，配田园沙律同黑糖餐包。套餐包埋餐饮，但由于我地想试下d 特色饮品，所以就加咗$12叫咗杯热Cappuccino 同$22 冻鲜果茶。饮品卖相果然很有特色,Cappuccino面有两朵食用鲜花，水果茶颜色亮丽,果肉新鲜多汁，增添食欲。老板好细心、招呼殷勤，送餐汤嘅时候都会问洗唔洗落胡椒，亦会问下顾客对食物嘅意见。而且服务好周到，会主动帮顾客换碟。餐厅食物味道洽到好处，食物配搭和伴碟有心思，食物份量非常饱肚。难怪餐厅吸引咗好多客人黎食，食到咁上下都有客人等位了。