Kay Restaurant

营业中

休息中

老公又带我入元朗市食好东西，一入餐厅有好多盏月亮灯，好有情调啊，店外设有半露天座位，感觉好chill，店员服务态度亲切有礼，感觉好舒服餐厅晚市都有好多选择，Set Dinner有 A-J 咁多款，包头沙律、餐汤、蒜蓉包我地叫左一个晚餐 ，加两个小食 Share食，再额外叫两杯野饮❤️鲜果杂菜沙律沙律菜和水果都劲新鲜，沙律菜好爽脆，加上芒果酱汁，酸酸甜甜好开胃❤️紫薯蓉忌廉汤 ＋蒜蓉包淡紫色嘅汤好特别，入口又几好饮又健康，味道带有紫薯本身天然嘅甜，口感浓稠顺滑，配上香口酥脆嘅蒜蓉包，几暖胃❤️红酒炖牛颊肉配牛肝菌汁意大利饭好有惊喜啊，首先摆盘卖相好吸引，而且份量都好充，大大件牛颊肉，件件都炖得好柔软，非常之香浓入味，真系入口即溶，好出色，老公一边食一道大赞好好味啊，意大利饭都系水准之作，口感软硬适中，加上浓郁牛肝菌酱汁，每一啖都好满足，真心值得推荐❤️英式鱼柳配薯条比手掌更大条嘅鱼柳，炸到外皮金黄酥脆，内部保持到鲜嫩多汁，薯条系我最爱嘅粗薯条，同样炸到金黄酥脆，份量都好多，配搭茄酱、他他酱一齐食❤️香草蒜香辣味鸡中翼鸡中翼外皮酥脆，内里肉质嫩滑，带有香草和蒜香的味道，几惹味❤️薄荷朱古力❤️热情果薄荷