黑木亭-お食事処 (玉成大廈) (已結業)

呢晚同朋友仔约埋庆生，晚餐拣就返之前食过感觉唔错嘅黑木亭，野食质素好好味又打卡靓，而且元朗店仲有关东煮、外卖饭盒供应，好岩同朋友仔聚会/作为日常饭堂。❀寿司大满贯❀有大拖罗、中拖罗、鲷鱼、鱿鱼、赤虾等寿司，仲有三个迷你海鲜丼：海胆三文鱼子、吞拿鱼蓉及牛油果三文鱼腩，咩都试哂咁滞，鱼生新鲜鲜甜，当中海胆三文鱼子嘅海胆好甘甜，配上满满鱼油香嘅三文鱼子好惹味🫶🏻❀波士顿龙虾刺身❀第一次食龙虾刺身咁奢侈，师傅切成一片片薄片，食落软嫩又鲜甜，另外师傅将Wasabi整成朵莲花咁，好有心机。❀龙虾粥❀本身以为系2人餐，应该唔会好多，点知原来系成煲粥，用上龙虾头+龙虾壳煲制，D粥好绵滑，唔洗点调味已经鲜味十足，最令人震惊嘅系我同朋友仔各自食左4碗😂❀龙虾脑蟹钳蒸蛋❀有蟹籽+龙虾肉，仲有个超大既蟹钳，好厚肉，因为用料靓，味道当然好好味。❀菠萝汁及苹果汁❀聚会少不免要饮下野，拣左2款清清地嘅果汁，味道唔太甜的，但个杯杯底有富士山，细节位取胜，几靓的。