稚

营业中

休息中

位于朗屏西铁站附近的隐世小店，但系经常见好多人排队等位食饭。我对佢嘅套餐好有兴趣。食物多元化又几抵食。叫咗一个蒲烧鳗鱼，另一个系西京烧比目鱼套餐。主菜蒲烧鳗鱼套餐，可叫半条或全条，有甜酸姜片及玉子拌菜。鳗鱼都几厚肉，烧得香口，配合埋个惹味酱汁。好好味😋 加$10有个溏心蛋，拌饭吃，饭系珍珠米添，味道层次更加丰富。西京烧比目鱼套餐，比目鱼2块，厚身烧得香口，火喉适中。鱼肉入口嫩滑。一样有甜酸姜片及玉子拌菜😋炸鸡，刚刚炸起上枱，炸得好香脆，鸡肉好juicy，粉浆适中唔会好厚😍。蚬汤，估唔到好多粒蚬有蚬肉，有鲜味。+ $30 升级定食（有前菜，渍物，煎茶，味噌汤，珍珠米）饭可+ $10 转猫饭+ $18 加购鸡软骨串烧冇加一成个套餐真系非常之抵食，只系3百几元左右。好饱好丰富，食物系有心整，整体上系好味嘅。唯一争少少系，始终小店经营，需要少少耐性等位，同埋座位与座位之间坐得比较近。