影片
更多
2020-08-31
614 浏览
本来都唔打算写食评但真系想赞下呢到既服务。因为要庆祝生日再加上堂食延长到9点，我同男朋友想食好d，上网睇到呢间d蚝好似好大只所以决定黎试下。原本我地book左夜晚6点但因为未肚饿所以想改6点半，老板睇过时间ok之后都比我地迟少少入座。可能因为疫情关系，客人唔算多，坐得都几松动，而且食野之前都有递上每人一条独立包装好既湿毛巾，整体感觉唔错。因为我地之前都冇系蚝吧食过生蚝，所以睇住个menu都唔识拣，我地就请老板帮手拣左半打比我地试。嗌完餐之后老板就放低左每人一个小食，系Parma Ham包住支饼干棒，小食系要收钱既但难得庆祝生日我地都照食左。生蚝黎到睇到果然系有差唔多三份之二手掌咁大只，老板重提醒我地边只淡边只浓，要从淡食到浓。食落去都算干净冇沙但食到好细粒蚝壳，不过都接受到。本来我地都加左柠檬汁落去食但食哂之后发现唔加可能会更好食，可能味道更突出到，个人比较钟意食M字头淡少少果只，食哂几只之后feel到成口都有好大阵蚝味可以回味下。之后我地嗌左一个dinner set但系冇影到相，系南瓜忌廉汤、一串烧牛舌同龙虾汁大虾意粉，重有甜品。餐厅细心在知道我地净系嗌左一个set，将个汤分左两碗上
因为要庆祝生日再加上堂食延长到9点，我同男朋友想食好d，上网睇到呢间d蚝好似好大只所以决定黎试下。原本我地book左夜晚6点但因为未肚饿所以想改6点半，老板睇过时间ok之后都比我地迟少少入座。可能因为疫情关系，客人唔算多，坐得都几松动，而且食野之前都有递上每人一条独立包装好既湿毛巾，整体感觉唔错。
因为我地之前都冇系蚝吧食过生蚝，所以睇住个menu都唔识拣，我地就请老板帮手拣左半打比我地试。嗌完餐之后老板就放低左每人一个小食，系Parma Ham包住支饼干棒，小食系要收钱既但难得庆祝生日我地都照食左。
生蚝
$338
40 浏览
0 赞好
0 留言
生蚝黎到睇到果然系有差唔多三份之二手掌咁大只，老板重提醒我地边只淡边只浓，要从淡食到浓。食落去都算干净冇沙但食到好细粒蚝壳，不过都接受到。本来我地都加左柠檬汁落去食但食哂之后发现唔加可能会更好食，可能味道更突出到，个人比较钟意食M字头淡少少果只，食哂几只之后feel到成口都有好大阵蚝味可以回味下。
之后我地嗌左一个dinner set但系冇影到相，系南瓜忌廉汤、一串烧牛舌同龙虾汁大虾意粉，重有甜品。餐厅细心在知道我地净系嗌左一个set，将个汤分左两碗上，让我地两个都饮到，亦每人配一块细多士。牛舌系厚切并用蒜蓉烧，好香同唔韧。意粉唔算大碟，但我地食左生蚝又唔太饿所以都够食。意粉配上4只大虾，够爽口大只，个汁亦够浓味，好味道。
提子冧酒雪呢拿雪糕
26 浏览
0 赞好
0 留言
最后等我地食完先上甜品，甜品系提子冧酒配云呢拿雪糕。另一个细心位系我系openrice订枱时见到有得拣“生日”做聚餐主题，因为少用openrice订枱，本来我都冇期望餐厅会留意到，点知上甜品既时候老板附上一句生日快乐先知原来真系会睇，唔只男朋友连我都被惊喜了。
整体感觉几好，重点系食完生蚝冇肚屙，有机会会再黎试其他款式既生蚝。
张贴
