影片
更多
2021-11-28
27 浏览
Muse Furniture Lab其实唔近元朗市，位置少少偏远，黑色装修设计好特别，有一边摆咗好多复古嘅家私，另一边系餐厅有室内同埋室外嘅位置。出边仲有大草地，感觉特别世外桃源，位置远啲唔紧要，餐厅有免费泊车，所以都几方便～依家天气凉快少少可以坐室外享受午后阳光☀️餐厅仲好贴心准备左蚊怕水，咁就唔怕比蚊针，慢慢坐，真系休闲好去处！本身对打卡嘅餐厅食物真系冇乜期望，但系呢度嘅食物系会令人去完一次第二次都仲可以再去食嘅！黑松露香煎带子大虾法式可丽饼$168使用刺身带子两边煎香上面再加上黑松露，食落去新鲜弹牙中间仲带有少少流心，千祈唔好误会佢煮唔熟呀！大虾都好大只，成件可丽饼份量都几大，味道都好好👍🏼白酒青口意大利粉$148摆盘好靓，仲有食用花做装饰，好睇又好食😋意粉煮得软硬适中，汁底creamy，白酒煮青口都有好多只添！巨峰沙冰$78虽然价钱稍为贵啲，但系呢杯沙冰系超大杯嘅，巨峰口味特别消暑解渴。宇治抹茶红豆沙冰$88强烈推荐呢一杯呀！红豆煮得好淋，有少少红豆冰嘅口感，同抹茶相当之配合，即系沙冰版嘅抹茶红豆冰，正～整体来讲非常之满意，打卡影相又靓，食物又好味！下次要再嚟玩过～
依家天气凉快少少可以坐室外享受午后阳光☀️餐厅仲好贴心准备左蚊怕水，咁就唔怕比蚊针，慢慢坐，真系休闲好去处！
本身对打卡嘅餐厅食物真系冇乜期望，但系呢度嘅食物系会令人去完一次第二次都仲可以再去食嘅！
黑松露香煎带子大虾法式可丽饼$168
使用刺身带子两边煎香上面再加上黑松露，食落去新鲜弹牙中间仲带有少少流心，千祈唔好误会佢煮唔熟呀！大虾都好大只，成件可丽饼份量都几大，味道都好好👍🏼
白酒青口意大利粉$148
摆盘好靓，仲有食用花做装饰，好睇又好食😋意粉煮得软硬适中，汁底creamy，白酒煮青口都有好多只添！
巨峰沙冰$78
虽然价钱稍为贵啲，但系呢杯沙冰系超大杯嘅，巨峰口味特别消暑解渴。
宇治抹茶红豆沙冰$88
强烈推荐呢一杯呀！红豆煮得好淋，有少少红豆冰嘅口感，同抹茶相当之配合，即系沙冰版嘅抹茶红豆冰，正～
整体来讲非常之满意，打卡影相又靓，食物又好味！下次要再嚟玩过～
张贴
