Foodeli (形點 I)

营业中

休息中

叉烧丼家叉烧丼饭$58既然系叉烧丼家，梗系要试下佢嘅人气No.1叉烧丼饭，橱窗挂住嘅叉烧都几油亮肥美。上嚟都冇令人失望，份量多唔在讲，六七片厚切肥叉，加两只大大只荷包蛋铺喺饭面。叉烧边角位有小小微焦，好香脆，师傅用火枪稍为烧过，逼出咗叉烧嘅油香。叉烧质地软腍油润，香甜可口。将荷包蛋蛋黄戳穿，蛋黄流落啲饭度，加上甜豉油捞埋一齐食，一啖肥叉一啖饭，正！烧腩仔滑蛋饭$62滑蛋包住晒成个饭，淋上甜豉油，睇上去好吸引。蛋滑得嚟又唔会削，捞埋饭一齐食，味道偏甜但非常可口。烧腩仔皮卜卜脆，肉质肥瘦层次分明，味道咸香，唔会比叉烧丼饭逊色。花甲年华南充酸菜鱼花甲汤$68汤汁酸酸哋唔算太辣，小小麻。酸菜酸爽，花甲份量多，令汤底都好鲜味。鱼肉系斑嚟，都几嫩滑，底下仲爽弹嘅粉浸住汤。珍宝肥牛花甲粉$65肥牛份量真系好多，而且口感q弹甘香，金菇索晒啲惹味汤汁，爽口又好味，点少得花甲，底下嘅粉丝略嫌腍咗小小。焗茄子$30茄子好滑好多汁，上面铺满蒜蓉，浓郁嘅蒜香味令人好有食欲。