NINETYs (形點 I) (已結業)

去Yohomall睇戲，近近地唔行遠，就喺戲院斜對面食呢間’’Ninetys’’，裝潢幾靚，坐得舒服🙌🏿叫咗兩個main ：「波士頓龍蝦意大利飯」($238) 🦞 半隻龍蝦表面焦香，肉質爽彈，鮮甜👌🏿意大利飯用洋薏米取代傳統嘅米飯，食得更健康，口感煙煙韌韌，好有咬口，粒粒飽滿，醬汁惹味中帶微咸，質感幼滑但又唔會過於黏，OK呀🖤另一個main「燴澳洲和牛肉面額配醉醺肉汁」($238) 🐂 牛面額色澤黝黑，質地好腍唔靱，牛味濃郁，熟度剛好，底下有好多薯蓉，有淡淡嘅黑松露醬香👌🏿經理好好禮貌，應對力強，有問題會主動協助👏🏿👏🏿唔會淨係識企喺度粒聲唔出唔識解決問題thx！🙋🏿‍♀️