麺屋こころ

营业中

休息中

近期爱上食呢间人气捞面，除咗足料之外味道都吾错，就连上次试埋嘢饮都性价比几高，今日同朋友行元朗，顺便又食捞面。今次点咗几款捞面食。分别系原味捞面、盐味捞面同明太子忌廉捞面。呢度啲捞面主要都系以肉碎、紫菜、蛋黄、同一啲配料同酱汁制作而成。当你以为原味捞面味道会比较淡，但原来唔系，因为啲配料同酱汁都几多，有大量嘅葱蒜头同鱼粉捞埋一齐食之后其实都好够味。不过胃口细嘅朋友可能就觉得唔够饱。盐味捞面系日本店嘅原始口味之一，可以食到三重口味，捞埋之后先食到浓烈嘅鲣鱼咸香及芝麻油味，之后可以加入黑胡椒食，最后可以加入自家昆布醋，甘就可以享受3重口感了。最后点咗个人气之选：明太子忌廉捞面，真系没有令我失望，明太子的咸香配上忌廉，个味道真系好夹，忍唔住食完一啖又一啖。最后点少得我最爱嘅抹茶 latte，淡淡嘅抹茶味，甜度刚好，唔会太甜。