泰廳 (已搬遷) 新店位置

住元朗既我平时好钟意去元朗广场对面一间夹公仔店夹公仔，隔离个舖位都转过几次手，有唔同餐厅进注，最近经过都见到晚市不停有人入去，仔细望望原来系一间新开既泰国餐厅，见到咁多人食，就比佢吸引左入去喇！食泰国菜我一定要叫马拉盏炒通菜， 马拉盏香味重于辣味，非常惹味，捞饭一流，菜炒得唔老，好嫩，食到lam lam脷！ 另外叫左个芝士虾丸，一碟有4粒，大大粒，即叫即炸，外表金黄，咬落香脆，中间既芝士一咬即流，虾丸打得好烟un, 配埋甜酸汁，食过翻寻味！最后叫左个芒果炒虾球，芒果系泰式菜入面一直占有重要既地位，今次既芒果唔酸，带甜，配埋虾球有种开胃既感觉！饮品叫左红豆冰同龙眼冰，龙眼冰偏甜，红豆冰既红豆够沙，好好味！