影片
更多
2021-10-18
180 浏览
元朗近年逐渐成为omakase兵家必争之地，由相对实惠既lunch到dinner omakase，丰俭由人。本住要试匀元朗咁多间既精神，又有消费券既加持下，黎舍利鮨美美的食餐好既，都唔过份丫！晚餐菜单$1600 20品，有前菜、刺身、卷物、寿司、汤及甜品。寿司饭酸度同温度平衡得宜，鱼料亦相当新鲜，较为难忘既有秋季时令：秋刀鱼刺身，加左肝酱竟然一啲都唔腥，另外旁边仲有一款系卷起既秋刀鱼，同一种鱼带黎两种唔同味觉，的确好特别。石川县毗邻日本海，佢既鲍鱼当然肥美无比，大过师傅既手掌呢！连同鲍鱼肝酱一齐食，带出本身既鲜甜，好满足。剥皮鱼处理上要好小心除去厚皮，本身鱼肉较为清淡，所以必然要配搭上鱼肝，肝酱油脂丰富，味道浓郁，口感绵密。呢种鱼多数系高级料理店先会有机会试到呢。33日熟成既野生大拖罗，产自岩手县大船渡市，师傅特意拎左原条鱼料出黎俾客人欣赏，油份极之丰盈，颜色较深而肉质较结实，同养殖拖罗比较系一种更高层次既享受。食完拖罗少不了有海胆，北海道根室紫海胆系全晚系另一亮点，睇得出色泽鲜明，味道鲜甜无比，海胆控表示好想叫师傅encore多一件呢！食到咁有水准既omakase，又要再预订定下次几
晚餐菜单$1600 20品，有前菜、刺身、卷物、寿司、汤及甜品。寿司饭酸度同温度平衡得宜，鱼料亦相当新鲜，较为难忘既有秋季时令：秋刀鱼刺身，加左肝酱竟然一啲都唔腥，另外旁边仲有一款系卷起既秋刀鱼，同一种鱼带黎两种唔同味觉，的确好特别。
石川县毗邻日本海，佢既鲍鱼当然肥美无比，大过师傅既手掌呢！连同鲍鱼肝酱一齐食，带出本身既鲜甜，好满足。
剥皮鱼处理上要好小心除去厚皮，本身鱼肉较为清淡，所以必然要配搭上鱼肝，肝酱油脂丰富，味道浓郁，口感绵密。呢种鱼多数系高级料理店先会有机会试到呢。
33日熟成既野生大拖罗，产自岩手县大船渡市，师傅特意拎左原条鱼料出黎俾客人欣赏，油份极之丰盈，颜色较深而肉质较结实，同养殖拖罗比较系一种更高层次既享受。
食完拖罗少不了有海胆，北海道根室紫海胆系全晚系另一亮点，睇得出色泽鲜明，味道鲜甜无比，海胆控表示好想叫师傅encore多一件呢！
食到咁有水准既omakase，又要再预订定下次几个月后既晚餐了。
张贴
