hive

营业中

休息中

其实之前已经想嚟，但有一次咁啱撞正有人包场搞活动所以无开，今次嚟终于食到！虽然本身无养竉物，但一直好钟意狗狗嘅我喺到见到好多人都有带佢地竉物嚟，真系好得意好开心！醒神蛋治首先多士十分松软，滑蛋几乎入口即化，相比起普通三文治，呢到加入牛油果泥令口感更佳，而且食落十分新鲜，唔会有酸味，而topping嘅微烤芝士更令整个多士散发阵阵咸香气息，好岩做早餐/brunch。巴西莓果碗好fresh好健康嘅主食，有香蕉、红火龙果、蓝莓、椰子片等等配料，每款水果都好鲜甜，而yogurt口感亦十分幼滑，没有额外加入糖分，但想甜少少嘅朋友都可以加上随附嘅蜜糖。摩卡比起一般市面上摩卡更重朱古力味，更易入口，甜度适中粉红救兵由草莓、蓝莓、黑莓、香草乳酪同蜂蜜制成，饮落应该都系无加额外糖分，虽然加入多种莓果，但亦唔会令味道过酸，好fresh同充满营养嘅一杯嘢饮。