炙・宴 (形點 I)

营业中

休息中

过咗咁多日系屋企嘅日子，今日落左屋企附近嘅元朗yoho行街购物，顺便入返啲日用品。我就选择咗呢间日本餐厅，听讲佢嘅宫崎牛肉同埋宫崎豚肉都几出名～由于疫情及限聚令嘅关系，餐厅都好细心咁围咗胶板，分隔每张枱，等食客食得更安心。我叫咗一份ABURI-EN 豚肉丼，套餐入面有沙律同面豉汤。沙律酸酸甜甜非常开胃，分量刚刚好。面豉汤味道亦都冇过咸，好啱我口味。餐厅名为炙宴，我相信豚肉都系有炙烧过，睇落已经相当焦脆。咬落去非常可口，猪肉嘅香味浓郁，质感软稔，即使系烧过亦都唔会太过干，火候、调味各样都控制得刚刚好，用嚟送饭真系一流。食到最后见到隔离枱叫咗好吸引嘅雪糕，令我都忍唔住叫返一份甜品。Fruit Sherbet有三款口味，有椰子、桃味同埋柚子。我同朋友叫咗两款水果味道嘅sherbet, 味道都唔错㖞，有真实嘅水果香甜味一啲都唔假，食落好似冇咁有罪恶咁哈哈！