元気寿司 (已結業)

今日要上堂~经开APM 所以喺呢边开饭~!! 想食简单食品~对我黎讲元气系个唔错选择虽然话系连锁店,有时出品的落差都可以好大~今次例牌点左三文鱼腩寿司 - 真系令人意外~大大片的三文鱼腩落晒地,盖在大小适中的饭上面~见到块咁大片的三文鱼腩好兴奋!而且食落仲好有鱼香味,正~感觉充满左奥米加三~好幸福海盐左口鱼寿司 + 海盐赤海虾 – 每款都分到一角柠檬,出手真系重~一D都唔姑寒,. 海盐仲重手~相信份量少返D都OK~虽然我唔想做成浪费,但吸收咁多盐,对身体唔系咁好!左口鱼食落干身左少少, 而且冇咁厚肉~感觉冇咁丰富~赤海虾好大只,好爽口~新鲜,好正~!元气卷 – 虾炸得卜卜脆~上枱仲有少少暖~就咁食已经好味道~!波士顿 – 我真系好中意呢三款材料的配搭,清新得黎又有D芝士混合住D饭~边间食都好好味~!辣味三文鱼军舰 = 辣味三文鱼D汁真系唔知佢有咩秘方,捞得好好味,辣得黎又唔攻鼻,三文鱼份量又多㖞~紫菜就差D,上枱已林晒~~无意发现佢地枱面有个APPS唔知玩紧乜野,就问服务员姐姐,经佢好热心咁介绍,先知原来而家招紧新人,但因为我已经系会员所以冇得玩了~!