Rimi Cafe (已結業)

一行两人收工旺角揾地方食饭，在网上见佢劲多like，所以去try try。我地叫左个二人餐。二人餐包括有:蜜糖芥末鸡翼,、黑松露牛肝菌杂菌烩饭、红酒烩牛肋条配意粉、餐汤同蒜茸包，套餐仲有两个饮品。首先店员送上餐汤及蒜茸包，餐汤磨菇忌廉汤，口感都算不错有磨菇粒粒。另外配上脆脆的蒜茸包，都不错。另外特别推介，佢地既蜜糖芥末鸡翼，香口香脆又饱满。黑松露牛肝菌杂菌烩饭都非常浓烈黑松露香味忌廉味同口感非常浓厚。红酒烩牛肋条配意粉的牛肋条及红萝卜煮得都几淋身。份量相当大份抵食，劲饱。场地上有都几特别，分开左两个区域。一个区域有一啲矮枱同坐垫专比坐地下玩board game，好适合一班人一齐黎一边玩一边食。另一个区域就系比人用餐倾计的。