OPPA韓國燒肉店 (已結業)

之前喺open rice留意到大埔「OPPA韩国烧肉店」宵夜时段（21:30后）做紧优惠套餐$268，二人份量嘅套餐有齐安格斯牛柳粒、五花腩、韩式酱烤鸡肉和4支韩啤，性价比超高！于是就约埋哥哥放工，两兄妹一齐去食烤肉！门面嘅立体招牌相当抢眼！门口亦贴上消夜套餐嘅宣传海报。餐厅面积都几大，坐位宽松唔逼夹。坐低后，店员为我哋呈上各类配菜，配菜有紫菜、芽菜和泡菜。另外仲喺烤炉上注入蛋浆和泡菜，简单好食嘅泡菜蛋，完成！我哋两兄妹为左消夜套餐$268以嚟，当然就梗系拣番个消夜套餐啦！之后仲点左个「大虾伴冷面」$108添！首先我哋先烧安格斯牛柳粒！细细粒嘅安格斯牛柳粒肉质嫩滑，牛味十足！五花腩烤至外皮香脆，脂肪和猪肉逐层分隔，入口带油香！烤烤下，先记得套餐附送四支韩啤(Dry Finish)，一于边烤肉边啤啤佢！韩啤入口清新偏淡，适宜烤肉时享用！韩式酱烤鸡肉，味道带甜，肉质嫩滑不韧。最后嚟嘅系大虾伴冷面。冷面配菜十足，例如有青瓜丝、萝卜丝等，混入酸酸甜甜嘅泡菜酱同炸大虾，配合冰冻自家制冷面汁，夏天享用绝对一绝！