影片
更多
2020-11-10
1167 浏览
灣仔 QRE Plaza 一向係我同家人搵食嘅好地方，皆因這棟食廈經常有新餐廳進駐。最近瀏覽網頁，得知位於上環皇后大道西嘅人氣西餐廳「老爹 Daddy’s Kitchen」，喺 QRE Plaza 開咗分店，所以這晚就特意來嘗新。餐廳環境很不錯，地方寬敞闊落，氣氛柔和而不拘束，配合窗外的景致，安坐其中，讓人有份悠然自在的感覺。翻開店員送上的餐牌，食物選項與上環總店大同小異，除了有頭盤/沙律/小食、廚師推介套餐等外，還有意粉/意大利飯、全日精選套餐、一系列特飲同二人套餐。我哋揀咗兩個廚師推介，另外再加咗一客焗田螺做頭盤。先吃焗田螺 ($78)，田螺用香草來焗，大大隻，熱力逼人。螺肉彈牙有嚼口，入口濃郁味鮮，而且仲食到好香嘅牛油味，連埋墊底的薯蓉一起吃，十分美味。主菜方面，揀了廚師推介嘅香煎鮮三文魚拼大蝦配薯菜 ($148) 及紐西蘭法式羊扒。每份套餐都配有餐湯、餐包同飲品一杯。餐湯揀咗一紅一白，兩款餐湯味道都唔錯，濃稠程度非常理想，而且上檯時仍熱辣辣，夠曬暖胃。蒜蓉包香脆可口，帶濃郁蒜蓉香味，水準亦不俗。香煎鮮三文魚拼大蝦配薯菜 ($148) 三文魚煎得啱啱好，魚皮微脆，魚肉唔散，吃
最近瀏覽網頁，得知位於上環皇后大道西嘅人氣西餐廳「老爹 Daddy’s Kitchen」，喺 QRE Plaza 開咗分店，所以這晚就特意來嘗新。
餐廳環境很不錯，地方寬敞闊落，氣氛柔和而不拘束，配合窗外的景致，安坐其中，讓人有份悠然自在的感覺。
翻開店員送上的餐牌，食物選項與上環總店大同小異，除了有頭盤/沙律/小食、廚師推介套餐等外，還有意粉/意大利飯、全日精選套餐、一系列特飲同二人套餐。
我哋揀咗兩個廚師推介，另外再加咗一客焗田螺做頭盤。
先吃焗田螺 ($78)，田螺用香草來焗，大大隻，熱力逼人。螺肉彈牙有嚼口，入口濃郁味鮮，而且仲食到好香嘅牛油味，連埋墊底的薯蓉一起吃，十分美味。
主菜方面，揀了廚師推介嘅香煎鮮三文魚拼大蝦配薯菜 ($148) 及紐西蘭法式羊扒。每份套餐都配有餐湯、餐包同飲品一杯。
餐湯揀咗一紅一白，兩款餐湯味道都唔錯，濃稠程度非常理想，而且上檯時仍熱辣辣，夠曬暖胃。蒜蓉包香脆可口，帶濃郁蒜蓉香味，水準亦不俗。
香煎鮮三文魚拼大蝦配薯菜 ($148) 三文魚煎得啱啱好，魚皮微脆，魚肉唔散，吃時依然柔軟，魚鮮味十足，且富有肉汁，很美味。面頭的大蝦亦相當誘人，大大隻、挺有份量，加上色澤亮麗，肉質又夠爽彈，正。
估唔到連伴吃的白汁都咁有誠意，入面有唔少爽口的洋蔥粒和菇菌，入口菌味超濃郁。配菜有薯角、 蘆筍、西蘭花、車厘茄和紅蘿蔔，分量十足。
至於另一客紐西蘭壹級法式羊扒(3支骨) 配薯菜 ($228) 亦很值得推介，羊扒烤得剛好，骨邊帶微焦，上桌時肉香撲鼻。切開一看，內裡嫩紅而不滲血水，火候拿捏得恰到好處，入口肉味濃而不羶，令人食得津津有味。
兩個套餐都會跟一杯飲品，有珍珠奶茶、柑桔檸檬、蜂蜜綠茶、檸檬茶或咖啡可供選擇。點咗珍珠奶茶 同 柑桔檸檬，珍珠奶茶味道唔錯，茶味很清香，而且甜度適中，加上珍珠質感又夠 Q 軟，順喉好喝。
张贴
