大利美食中心 (已結業)

写食评不得不提提我地一班兄弟工友最近聚会既主场 --- 大利美食中心地点在北河街街市上两层既熟食中心，地方大，楼底高，极有风味而又唔怕日晒雨淋既大排档。食物相宜，碟头大，$40-$60就有个𩠌，不少都做得十分出色﹗盐水猪手拼鸡脚餐前小吃，大大碟四五个麻甩佬都够食，咸咸煮得够腍，胜在原汁原味﹗小炒王炒得虽然唔太够干，不过份量足，韭菜韭王炒得香脆，配以虾干菜甫等，惹味，送酒一流﹗椒盐鸡中翼炸得外脆内软，火喉掌握得好，味浓送啤酒很过瘾﹗椒盐腰果拼鸡软骨次次来吃都必叫，又是佐酒之物，腰果炸得卜卜脆，洒上淮盐，惹味﹗芥兰炒牛肉牛肉香软不韧，够镬气﹗烧鹅半只也很够份量，系嫌佢冻左之后会太油﹗这儿的炒饭炒面炒米都做得很干身，极有镬气，又够大碟，要推介﹗最紧要当然系啤酒平啦﹗$16支青岛，半打半打咁叫，可以开怀唱饮，此店亦有骰盅供应，故晚上猜妹之声不绝﹗而醉薰薰既麻甩佬亦会飘来飘去，去厕所时要小心一点了﹗唔饮酒我估每人一百蚊都必食到饱，抵饮抵食，这就是兄弟班的主场了﹗