囍越 (屯門市廣場) (已結業)

今晚我们去咗屯门市广场嘅「囍越」食晚饭！我们叫咗生牛肉汤河粉嘅汤底好鲜味浓郁，河粉嘅面质好软滑，牛肉嘅肉质嫩滑，而且份量相当多，比河粉仲要多！小食拼盘：牛肉虾片嘅虾片都几香脆，牛肉炒得非常惹味，炸网虾嘅外层炸得好香脆，入面包著嘅虾肉好爽甜弹牙，夹埋一齐食嘅层次感相当丰富！黑松露香芒蟹柳脆脆卷嘅米纸卷好烟烟韧韧同好薄身，包著新鲜生菜、蟹柳、香脆嘅多士条同香芒，再加埋黑松露舖面，令到味道更加惹味，口感相当丰富，卖相亦非常色彩缤纷！越南四式冻檬粉嘅烧猪耳扎肉肉质好爽口弹牙，烧肉串嘅肉质好松软多汁，烧猪颈肉嘅肉质爽滑松化，香辣猪手嘅猪皮好爽滑弹牙，冻檬粉配上「冧」汁一齐食，感觉好清新惹味！原个椰青海鲜焗饭嘅椰青清甜芳香味，渗入晒焗饭入面，材料亦好足料！香芒糯米饭系将糯米饭堆砌成一个心形图案，非常精致，质感相当烟烟韧韧，香芒嘅味道好香甜！