影片
更多
2011-11-28
46 浏览
我听朋友讲，佢系尖沙咀试左一间点心餐厅环境几好，味道亦唔差，而我又钟意食点心，所以就衬午饭时间「鼠」(‵﹏′) 出去试下。估唔到，俾我发现「惊喜」~!行到厚福街，睇到呢间店铺门面，还以为系食西餐或食西式糖水，门口既靓女姐姐热情咁问我试唔试下点心先知原来系我朋友讲个间中式点心店。一入到去既感觉，无谂过一间食中式点心既店铺内里装修得咁光猛、宽敞、感觉咁好...可能个时未有人住啦~佢就安排左我同同事二个人坐系四人卡位度。感觉真系好好，个位又舒服。呢个系俾我既第一个「惊喜」。坐低就即刻有人拿张点心纸黎俾我地填，而我仲要同个待应讲要「普洱」茶，而个待应就笑住咁同我讲：「唔好意思，我地呢度得玄米茶，不过好好饮，你可以试下」，第一次听食点心用玄米茶，感觉有点奇怪，不过我都试下。茶一黎到，冲出黎，心中不奇然突左一突，心想：「哦~? 乜有米粒既.....?」一开头以为洗唔干净个茶壶，原来系D茶既突别之处。饮落去又真系好突别，好清，好好味~!好啦~入正题~我地二个人，点左个糯米鸡 (因为当时我太肚饿)、虾饺、墨西哥餐饱同埋猪颈肉。先到既系虾饺同埋糯米鸡。第一下黎到，只系觉得的野好新鲜，因为点心都系岩岩蒸出
行到厚福街，睇到呢间店铺门面，还以为系食西餐或食西式糖水，门口既靓女姐姐热情咁问我试唔试下点心先知原来系我朋友讲个间中式点心店。一入到去既感觉，无谂过一间食中式点心既店铺内里装修得咁光猛、宽敞、感觉咁好...可能个时未有人住啦~佢就安排左我同同事二个人坐系四人卡位度。感觉真系好好，个位又舒服。呢个系俾我既第一个「惊喜」。
坐低就即刻有人拿张点心纸黎俾我地填，而我仲要同个待应讲要「普洱」茶，而个待应就笑住咁同我讲：「唔好意思，我地呢度得玄米茶，不过好好饮，你可以试下」，第一次听食点心用玄米茶，感觉有点奇怪，不过我都试下。茶一黎到，冲出黎，心中不奇然突左一突，心想：「哦~? 乜有米粒既.....?」一开头以为洗唔干净个茶壶，原来系D茶既突别之处。饮落去又真系好突别，好清，好好味~!
好啦~入正题~我地二个人，点左个糯米鸡 (因为当时我太肚饿)、虾饺、墨西哥餐饱同埋猪颈肉。先到既系虾饺同埋糯米鸡。第一下黎到，只系觉得的野好新鲜，因为点心都系岩岩蒸出黎，唔会好似茶楼咁蒸到出晒水或者好似放左好耐咁先送黎。而个糯米鸡更突别到我认唔到，仲以为佢地落错单，原来系点心师父改良左既新式糯米鸡 ，哦~用蛋包住糯米鸡又好突别WO~味道又香，最重要唔会好似系外面茶楼咁一吃就成口油。呢个好清而且味道好好。但真系要二个人以上去先好叫，因为我食完二件，我同事食完一件大家都开始有半饱。但，叫这个系唔错既选择!
另外，虾饺黎到个时热腾腾好新鲜! 我觉得皮又够簿。一啖咬下去，谂唔到有咁好既口感，因为入面既虾真系好大只~! 唔同出面既茶楼咁，虾就小小食唔到虾味，只系食到D肉味同笋味。认真足料!
而第三味黎到就系猪颈肉，一上菜我就只系同同事E 食猪颈肉，以为旁边系配菜，无谂过会食...点知我手多多咁夹左一条黎食，禁不住「哦~」左一声。因为感觉系酸酸地既野.....又唔系好食到系咁黎，我同同事E 都食唔出系咩，只系觉得好醒胃。问下经理先知原来系的经调味既薯仔丝~又几突别WO! 岩岩食完猪颈肉，再食酸酸地既薯仔丝~很醒胃~!
最后，黎埋个墨西哥差烧餐饱。哦~~~~~ 又系一个惊喜~一咬下去，个面好脆好香，而入面的差烧又唔系太肥唔会成口都系油或肥猪肉。加上个饱好新鲜，好热。所以我有点饱饱地都食到一个。唯一美中不足的就是个面既皮有点稍甜。但E 同事又话岩岩好。整体味道都系好好的! (另：我已向经理反应个皮稍甜，佢话会同师父讲下)
食左四样野，每人都系六十元到埋单。系尖沙咀区，六十元一个人可以食到呢种质素的食物，我觉得总比出面其他食肆为抵食~!
------------------------------
过左一个星期，忍唔住，再去多一次食呢间点心店...
可能间野既味道开始吸引食客....我同上一次差唔多时间去到，但我同同事都要等。
但等得唔系好耐，5-7分钟可以入坐。
唔知系唔系的野好食，人多咗，今次要等5-7分钟到先有位。但个靓女待应笑住同我讲话因为食饭时间人太多，要二人靠边坐，虽然有的失望，但见佢咁好笑容，就无咩既....其实我地好快就坐下来，但拾野好快，虽然佢地好忙，但都好礼貌，我觉得服务水准系咁忙都难得 (因为依家好多食肆既服务态度都系做又36 唔做又36)。
今次，试下新菜式：鳗鱼肠粉、牛肉烧卖、墨西哥差烧包、流沙奶皇包同埋窝蛋牛肉饭。
今次都一样，黎既点心都好新鲜，牛肉烧卖、墨西哥差烧包、流沙包黎到个时都好热好鲜~!
鳗鱼肠粉 ： 很很很好味~一咬下去其实感觉好怪，因为入面系涷既.....但吃下去加埋的甜日式酱汁又几好味WO~ 好突别既新菜式。但系因为食得太饱，所以无叫。
墨西哥差烧包：今次专登叫既，睇下有无改善。哦~~ 食下去又真系味道今次就岩岩好WO~ 味道太好了~ 值得一试!
流沙包：其实同出面既茶楼唔会有好大既出入，但入面既流沙比出面好味，新鲜、似系即叫即整，唔似系寻晚整定再蒸。因为新鲜所以坚好味~!(但系我个人认为，如果多的蛋黄味就PREFECT 啦~)
牛肉烧卖：唔.....口感唔错，牛肉味道好入味...但我觉得有点平平无奇，无咩特别~! (可能佢既味道岩岩同我食完既窝蛋牛肉饭一样味，所以我个人觉得唔太突出)
窝蛋牛肉饭：细细盅，我觉得岩我地，因为可以试下其他点心。的牛肉味道好好~好入味~ 加埋生蛋简直绝配。但......我觉得饭可以再热一点，其实都够热，不过我觉得再热D 味道会更好~!可能我SUPPOSE 呢的饭系劲热入口先好食~! (因为我唔想咁"留"，如果少的肉多的饭会好D...)
总括食左二次，呢间野俾我既感觉就系惊喜~因为佢好多味道同点心唔系出面可以随便食到，加上系尖咀，又有咁好既食物质素同服务质素。我觉得系值得去既食肆。唔可以唔一提既就系，佢个厕所超干净~~~ 无谂过系咁干净，好多食市既厕所都又湿又臭又污浊，但呢间....厕所干净可以同一级商场既干净度比美。同埋入厕所既路上，睇到个厨房好干净好整齐，我相信咁会放心好多。(大家经过开厕所以可偷偷睇入去)
P.S. 无位放相...但强列推介新出个个「生煎包」肉汁劲多劲好味~!
张贴
