麻辣風雲 (京都廣場) (已結業)

今晚突然想食下辣嘢，就去咗好多人介绍嘅「麻辣风云」，一出lift就见到用梅、兰、菊、竹主题装饰，餐厅用左水墨画纸灯，好有特色，其中一个贵宾房挂住水墨画，放住特色中国花瓶，完全感受到中国传统文化。炸馒头卖相独特，借用古代曹操草船借箭造型，炸馒头外皮酥脆，内里松软，加少少炼奶食有著淡淡既甜味。麻辣夫妻肺片入面有牛肚、猪肺、牛舌等各种材料，十分爽口，酱汁非常香辣，由花椒和辣椒组成，带有麻感，很有川菜风味。而且各种食材的纹理与味道都非常的突出。太极鸳鸯鱼摆盘参考太极嘅形状，一边放上酸菜鱼，另一边放上水煮鱼，一次过试晒两种经典菜式。酸菜鱼鱼片爽滑、汤酸味美、微辣不腻，水煮鱼用上大量香料同埋辣椒，麻香味较浓郁。黑松露烟熏糖心蛋一上枱已经闻到好香嘅烟熏味，半凝固甜甜地嘅糖心蛋黄跟黑松露的味道相互融合，入口醇香美味。菊花蜜用左印住🌸既粉红色酒呈装住，另外用上饮中国酒既酒瓶，好特别嘅体验，自家制菊花蜜非常滋润，有淡淡花香味，解辣一流。