中環茶記 (已結業)

疫情下本身都唔应该出街嘅，但系因为有啲事要黎一黎中环，顺手食埋个午餐。见到呢间叫做中环茶记嘅茶餐厅好有特色，装修好特别好怀旧，入边亦都好企理，感觉坐得好舒服，于是就入去食个晏昼先。入边防疫设施做到足，枱与枱之间相距嘅距离非常之充足，枱枱櫈櫈同埋地下亦都卖得非常干净，令到食客感觉非常之安心。我同男朋友嗌左两个餐：一个系鸡扒全餐配多士，另一个系叉烧炒蛋饭，另外再加多碟瑞士鸡翼。我鸡扒全餐非常之足料，鸡扒大大块、条肠煎得好香、炒蛋炒得好香滑、有火腿有薯饼有茄汁豆仲有个非常之邪恶嘅多士，呢个价钱好抵食。另外我男朋友𠮶个叉烧炒蛋饭，亦都系非常惹味啲叉烧香甜可口入口即溶，加埋杯港式奶茶就真系Perfect。另外要提一提嘅就系入边嘅装修，好怀旧嘅卡位雅座同埋方格阶砖，令人好似返咗去七八十年代咁，入边有好多旧时香港嘅相都几有气氛㗎。