影片
更多
2023-06-17
1382 浏览
尖沙咀家庭风味韩国菜由首先上左6小碟伴菜： 茄子，腌辣明太鱼干， 炒鱼糕，炒粉丝， 煎饼，凉拌西洋菜，如果肚饿都可以浪下肚先，另外仲有碟渌过嘅椰菜，仲好爽脆， 怀疑系用嚟包烤肉食。Vegan食野菜拌饭一流，有两种腌菜， 翠玉瓜西洋菜紫菜煎蛋， 整烂个蛋仲有啲蛋黄流出嚟添， 建议捞晒成个饭再加啲辣椒酱， 因为净系捞半个饭有啲咸。 食完仲可以饮埋个海带汤。牛肋骨汤饭满满一大碗，仲有三大嚿煲到软绵绵嘅牛肋肉， 食落有啲脂肪好咁香， 沾上豆瓣酱食更开胃惹味， 萝卜煲到淋晒仲几清甜。烧黄花鱼估唔到咁肥美，油香四溢，一个字，香。食完饭仲有个甜品雪米糍， 糯糍糍。叫咗三样都冇中伏，呢间韩国餐厅可以再嚟试下其他菜式。 走嘅时候落大雨，然后老板同姨母们都叫我哋留多阵仲冲多杯茶畀我哋饮，等细雨啲先走❤️______________________________🏠 清潭韩国餐厅📍尖沙咀广东道116-120号海威商业中心4楼‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
由首先上左6小碟伴菜： 茄子，腌辣明太鱼干， 炒鱼糕，炒粉丝， 煎饼，凉拌西洋菜，如果肚饿都可以浪下肚先，另外仲有碟渌过嘅椰菜，仲好爽脆， 怀疑系用嚟包烤肉食。
Vegan食野菜拌饭一流，有两种腌菜， 翠玉瓜西洋菜紫菜煎蛋， 整烂个蛋仲有啲蛋黄流出嚟添， 建议捞晒成个饭再加啲辣椒酱， 因为净系捞半个饭有啲咸。 食完仲可以饮埋个海带汤。
牛肋骨汤饭满满一大碗，仲有三大嚿煲到软绵绵嘅牛肋肉， 食落有啲脂肪好咁香， 沾上豆瓣酱食更开胃惹味， 萝卜煲到淋晒仲几清甜。
烧黄花鱼估唔到咁肥美，油香四溢，一个字，香。
食完饭仲有个甜品雪米糍， 糯糍糍。
叫咗三样都冇中伏，呢间韩国餐厅可以再嚟试下其他菜式。 走嘅时候落大雨，然后老板同姨母们都叫我哋留多阵仲冲多杯茶畀我哋饮，等细雨啲先走❤️
______________________________
🏠 清潭韩国餐厅
📍尖沙咀广东道116-120号海威商业中心4楼
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
张贴
