居酒屋·姫 (已結業)

平时行经都留意到呢间居酒屋，今日早收工同同事放工轻松下，一入到去好似去左日本咁，店员十分友善。我地叫左支清酒，味道甜甜地，一路饮酒一倾计。严选季节特上六款刺身盛合 $558今日有脑天肉，北海道海胆，池鱼，赤身，尾长鲷，猛者海老，脑天肉油脂丰富，包住小豆苗，味道清新，北海道海胆鲜甜creamy，猛者海老爽口弹牙，尾长鲷包住梅酱味道酸甜。手挽塩白鳗烧 $77白鳗烧到外皮香脆，肉质鲜甜无泥味。自家制月见免治鸡 $58免治鸡肉外面焦香，入口嫩滑，加上鸡蛋味道香浓，超正。味噌煮猪肠 $98猪肠煮到好软林，味噌带少少辣，好惹味，好想叫碗白饭一齐食。松叶蟹肉釜饭 $198松叶蟹已经拆哂肉，蟹肉鲜甜无比，饭吸收哂高汤同蟹味超级好味，仲有我最爱嘅饭焦。