盛記酒家

营业中

休息中

#假日好去处 同Lisboy坐船过海睇吓夜景，Lisba介绍返工附近有呢间好有人情味嘅酒楼，所以去试一试🤤Lisboy一见到个烧乳猪就指住要食猪🤣🍽️ 金牌炸子鸡平时去婚礼最期待嘅就系佢比较后出嘅炸子鸡，因为年纪越大已经好少婚礼可以去到，一见到Menu有呢一个招牌炸子鸡，即刻order咗嚟试🤤真系名不虚传，鸡皮炸到脆卜卜包住啲鸡肉仲好嫩滑有鸡油，外脆内软，真系冇得输😍🍽️ 菠萝咕噜肉如果配饭食就当然要叫个菠萝咕噜肉开胃，系我好耐冇试过嘅酸甜味，出边嘅咕噜肉通常都系炸粉比较多估唔到呢度嘅咕噜肉好有惊喜，肉多𠮶啲粉😍脆卜卜入口啖啖肉！新鲜菠萝鲜甜，Lisboy食咗好多粒！🍽️ 瑶柱蛋白炒饭Lisboy最爱瑶柱蛋白炒饭，可能比较老牌嘅酒楼，所以呢个蛋白炒饭好有镬气，每粒饭粒粒均匀有咬口😍真系太滋味又够饱肚！呢间酒楼真系一定要试，发现嚟亲嘅呢都系老街坊，最正系唔收开瓶费，攞自己啲珍藏嚟饮几多都得🍻最后仲有糖水送，真系圆满嘅一餐饭！