ATUM Restaurant (已結業)

我同朋友都好钟意打卡，就特登拣咗一间主打艺术元素嘅餐厅，每样食物嘅卖相都好精致，食材亦经过精心配搭。餐前面包有法包同埋合桃包2款，上枱既时候仲有微温，面包咬落去松脆，可以加少少海盐牛油食增添奶油香。热情果冰生蚝.红桑莓冰生蚝生蚝🦪大只肥美，味道鲜甜，上面加左冰粒保持冻，用左热情果冰/红桑莓冰代替传统嘅柠檬汁，味道酸酸甜甜，将生蚝嘅鲜味升华。风亁火腿.马苏里拉.忌廉芝士脆饭煎饼将creamy既意大利饭煎至脆脆地，有焦香味，上面加左肉质柔软 既Parma Ham同埋充满住奶香味 既Mozzarella，非常创新嘅菜式。鲍鱼蟹膏酱炖饭鲍鱼弹牙爽口，仲好大只，每一啖炖饭食到蟹膏既鲜味，加左海苔片同埋萝卜丝做配衬，色彩缤纷，增加食欲。海胆雪糕.清酒冰平时海胆刺身就食得多，估唔到海胆可以用黎做雪糕，雪糕既海胆味非常浓郁，质感细腻。清酒冰系口腔中慢慢溶化，舌尖慢慢渗出酒香味。