雄館特式小廚 (已結業)

呢间餐厅由蜑家三兄弟承传水上住家菜，咁有heart，当然要支持下。金沙炸鱼皮鱼皮香脆不油腻，附著呈流沙状态嘅咸蛋黄酱，咸香味浓郁，唔怪得差不多每枱都有叫呢款小食！冰镇鲍鱼鲍鱼口感爽滑弹牙，size有半只手掌咁大，冰镇成为冷盘可以消暑，食落醒神又开胃，点上Wasabi豉油，增添了日式嘅风味。蚝仔鸡蛋仔鸡蛋仔嘅馅料，而家越来越多款式，但系多数都系甜嘅，呢间餐厅竟然研发到加入蚝仔，怕少少腥，就可以点鱼露同Wasabi。比起平时嘅蚝饼会冇咁油腻，而且每粒鸡蛋仔都有蚝仔，冇揾笨。豉油王细花竹虾 每只虾虾味浓，又鲜甜，食到少少虾膏。用肠粉垫底，挂鼓油汁力强。我觉得唔想食面/饭，叫呢款做主菜都可以。煎咸鲜马友口感似食紧香煎小黄鱼，但鱼皮更脆卜卜，鱼肉的鲜味更突出带有咸香的味道，不算多骨，又大条，所以好多肉食。荔枝茶香烟熏鸡一上枱已经散发着浓烈嘅荔枝茶烟熏香味，食落有惊喜，鸡肉扎实嫩滑又juicy，鸡皮脆卜卜，有丰富的层次。