八座小食 (已易手) 新餐厅

继续讲得宝商场美食城。除左Burger B之外，我仲试左另一间店。八座主打地道街头小食：肠粉、烧卖、碗仔翅、鸡蛋仔等等，种类都几多，但最吸引我系已经好少有机会食的臭豆腐同牛杂。以前仲有街边小贩档的时候，我都几钟意买臭豆腐食，其实一d都唔臭，又可以加我喜爱的甜酱。八座的臭豆腐（$10）外形呈长方形，同平时见到的四方形唔同。外皮亦唔系酥脆口感，比较实净。味道刚好，唔会好浓烈，几香，加埋甜酱真系冇得顶。牛杂（小$20）每样有两三件，唔算好入味，最好系牛肠同萝卜，但我最钟意的牛肚就唔够腍。一个地方仲有多款街边小食供应，又算干净（我估），都值得一试嘅，总好过要等到新年先有得扫街吖嘛。值得去指数：