薯仔屋 (已結業)

我地点左个二人至尊份量套餐。个餐加埋一最平只系大概200蚊，但已经包左餐包，沙律，小食，主菜2款，甜品同埋1杯特饮，食物性价比本身已经系十分高。蒜蓉包好香脆，粟米忌廉长通粉沙律好fresh，酸酸地带起哂我既食欲。蜜汁鸡翼系最好食既，鸡翼烧到少少脆口，蜜汁香甜而不腻，正！肉酱千层面好cheesy ，肉酱同面既比例岩岩好，属高质。酱烧猪仔全骨烧得好入味，个酱系完全溶入哂猪肉入面仲烧到超松软，入口即溶。野食吸引但回忆先系无价架！呢间cafe多野玩到成间party room 咁，岩哂大人同小朋友一齐黎玩。事关呢度有我长大左之后最钟意既电动麻雀枱漫画同好靓既figure公仔，亦有我细个最钟意既街机游戏（无限credits)，充满儿时回忆既炸弹人, kof, street fighters等等。