Ocio (煙廠街) (已結業)

我朋友系Ocio既会员，所以今次朋友约食饭，顺理成章去咗ocio。餐厅位于烟厂街，平时唔系好热闹，估唔到七点几去到餐厅已经座无虚席。餐厅装潢冇乜特别，唯独图中既钟映入我眼帘，散发一阵古典气息。我同朋友各自叫咗dinner set，dinner set附送粟米忌廉汤。Ocio既奶茶系西式奶茶，味道偏淡，不过可客人可自行放奶同糖既份量。焗芝士肉酱千层面卖相普通，但其实内里干坤。首先最紧要系质感唔湿，另外芝士用左两款，可谓双重滋味，芝士多到连碟边都有，加埋肉酱真系味道浓郁。龙虾汁日式铁板鱿鱼意大利饭卖相别具创意。师傅用紫菜包住意大利饭，上面放上一大片鱿鱼，外型同寿司一模一样。鱿鱼几惹味爽口，意大利饭口感唔会太过稔。Set dinner 加多$39就有芝士薯条。薯条唔算油腻，而且炸得香脆，如果芝士酱再多啲就完美。食完dinner set始终意犹未尽，所以叫埋甜品。朱古力榛子窝夫几厚。虽然唔系太脆，但窝夫入面全都系朱古力馅，朱古力味特别浓郁。朋友果然冇介绍错，即使唔系聚会，我都可以带女朋友嚟食甜品。