五斗米 (厚和街)

营业中

休息中

以为闲日唔洗排队，点知门口已经有四个人排紧队，店舖里面大约有四张枱，我哋等咗大约三个字，里面嘅食客都食得好快。争取时间，排紧队嘅时候已经睇好餐牌，拣咗原汁牛肉面、肉操拌面同埋呢间铺限定嘅玉米起司蛋饼。我好钟意呢个牛肉面，首先可以见到个汤底一滴油都冇，一啲都唔觉得肥腻但系又好浓郁，反而牛腩似我哋平时港式嘅牛腩面，有啲柱侯酱嘅味道，另外要赞嘅系佢嘅刀削面，非常有咬口。呢个肉燥拌面就同平时食嘅有啲唔同，平时食嘅肉燥咸香带甜，但系呢度嘅调味酸酸地，上面有一笃蒜泥，就连只卤水蛋都带酸味，我麻麻哋。大力推介呢一个蛋饼，就咁睇图片都见到佢几咁酥脆，里面嘅芝士半溶状态，甜甜地嘅粟米非常好食。唯一要挑剔嘅系牛肉面嘅份量真系好细，根本就好似平时屋企饮汤嘅饭碗，一个面应该唔会够饱。