湯•米 (已結業)

前几日入左将军澳探朋友，顺便一齐食晚饭，大家都想食下台湾菜又想打下边炉，所以试左呢间餐厅可以一人一锅。 我地叫左2个锅，一个招牌臭臭锅，一个沙茶牛肉锅，2个锅既食材都几多，而且仲可以配饭或粉丝，我地2个都钟意配粉丝，因为啲粉丝可以索埋啲汁一齐食吖！ 跟住好快就上埋3个小食，我地叫左一份海鲜拼盘、柚子蜜鸡翼同麻辣臭豆腐，啲海鲜都几新鲜，食到有甜味吖。鸡翼都炸得几脆口，但里面仍然好juicy，配埋柚子蜜，食落都好醒胃。 麻辣臭豆腐我觉得系勾起响台湾街头食臭豆腐既感觉，一上菜就闻到佢阵独特既臭豆腐味道，食落口就食到臭豆腐既味道，豆腐面铺左麻辣椒粉，虽然有啲辣，但辣可以带出豆腐既香口味道。 食台湾菜无理由唔叫台式饮品，我地叫左满杯红柚子同芝士茶王8号，2杯饮品上菜时红柚子既红色都几吸引眼球，饮落去酸味味，好开胃！芝士茶王面头果层芝士好厚身，仲好浓芝士味，捞埋下面既茶，味道好夹！好好饮！