哈豆

营业中

休息中

今次又揾到工厦入面嘅好野食啦！食完忍唔住要第一时间介绍🤩 不论系价钱定份量都好亲民，同男朋友叫左每人一个面，再加三个小食，食完都有个food baby 咁🤰三个小食包括有哈豆红醋酱瓜🥒、台式卤水豆腐同五香卤蛋🥚🥒青瓜切到好薄，够爽口，不过重多些少醋味会更加吸引🥚卤蛋同豆腐都系必点嘅，两个都好入味，而且豆腐好大碟，吸晒啲卤水汁，绝对系强推嘅小食呀！肉燥时蔬芝麻酱干拌面拌面一向都系我嘅最爱，再另外点左充满咸香嘅虾仁条做伴菜🦐酱汁系拌面最重要嘅一环，佢地嘅芝麻酱加埋肉燥汁嘅调味岩岩好，我再加埋少少辣椒油🌶️，较粗身嘅面条就可以沾晒啲汁，啖啖都食到好满足🤤🐮牛肉鲜蕃茄汤面🍜男朋友叫嘅系新竹米粉，特别在可以更加吸收汤汁真系用鲜茄煮嘅汤🍅，够晒香甜，唔能够同其他只有茄膏嘅汤相比！🐮牛肉厚切得黎，又纹得好淋好入味，搞到我系咁偷👦🏻啲牛肉食我地再跟餐叫左胚芽豆浆同红茶豆浆胚芽豆浆甜度无咁高，而且有燕麦嘅咬口，止住口痕就最岩，所以系我等啲野食到嘅时间，已经高速饮左大半杯😎相反红茶豆浆就比较甜少少，红茶味同豆浆都唔会得一面抢晒味，都好岩饮！😍