影片
更多
2017-09-17
1102 浏览
是咁的~~由于前排工作繁忙试过有晚ot到两点先走 赚赚埋埋d ot钱梗系要食番餐好嫁啦 于是就同屋企试下呢间喺屋企附近做左好多十年嘅上海铺 一于一家人食番餐好嫁啦^^上海菜变化好大 煎炒煮炸炆炖焗样样齐 而且味道方法亦唔系独孤一味 浓味嘅有鳝糊 清淡嘅亦有砂锅云吞鸡 上汤津白等等 所以真系可以话系老少咸宜 今次黎到呢间 真系有怀旧嘅味道 唔同而家经过改良嘅上海铺 呢到虽然经过番新 但食物嘅选择 价钱 人情味 等等都好似旧式嘅上海铺咁 今次我地就叫左锅贴 小笼包 韮黄鳝糊 炸银丝卷 黑醋骨 同埋上海粗炒锅贴四只先廿几蚊 抵到喊 而且唔系得个平字 上海锅贴同日本煎饺最大嘅分别就系皮嘅厚薄 日本煎饺薄皮系人都知 但你地唔好以为锅贴皮厚就一d技巧都冇 事关皮厚传热慢 分分钟表皮㶶左入面d猪肉都未熟 相反煎太耐就会因为皮太厚令到咬落唔脆口 变成好硬好难咬 所以要整得好食一d都唔易 呢到嘅锅贴水准好高 火喉掌握得好好 即叫即煎热辣辣 锅贴馅依然保持到肉汁 而且皮身脆而不硬 配埋浙醋食更加开胃 浙醋嘅醋味可以解到猪肉馅嘅油腻 正！黑醋骨 份量亦唔少 大大旧 而且用上猪嘅金莎骨 唔系用肉排 非排 肉排
上海菜变化好大 煎炒煮炸炆炖焗样样齐 而且味道方法亦唔系独孤一味 浓味嘅有鳝糊 清淡嘅亦有砂锅云吞鸡 上汤津白等等 所以真系可以话系老少咸宜
今次黎到呢间 真系有怀旧嘅味道 唔同而家经过改良嘅上海铺 呢到虽然经过番新 但食物嘅选择 价钱 人情味 等等都好似旧式嘅上海铺咁
今次我地就叫左锅贴 小笼包 韮黄鳝糊 炸银丝卷 黑醋骨 同埋上海粗炒
锅贴四只先廿几蚊 抵到喊 而且唔系得个平字 上海锅贴同日本煎饺最大嘅分别就系皮嘅厚薄 日本煎饺薄皮系人都知 但你地唔好以为锅贴皮厚就一d技巧都冇 事关皮厚传热慢 分分钟表皮㶶左入面d猪肉都未熟 相反煎太耐就会因为皮太厚令到咬落唔脆口 变成好硬好难咬 所以要整得好食一d都唔易 呢到嘅锅贴水准好高 火喉掌握得好好 即叫即煎热辣辣 锅贴馅依然保持到肉汁 而且皮身脆而不硬 配埋浙醋食更加开胃 浙醋嘅醋味可以解到猪肉馅嘅油腻 正！
黑醋骨 份量亦唔少 大大旧 而且用上猪嘅金莎骨 唔系用肉排 非排
肉排肉多筋少肥肉少但肉质会比肉眼位腍 用黎炒就唔错但用黎走油再炒会过un过鞋
非排比肉排会多d筋仲会痴到少少肥肉 用黎蒸排骨就一绝但黑醋骨就真系唔够金莎骨好
金莎骨可能大家bbq都食过 佢系痴住一大条肋骨 肉质偏腍有油香 用黎走油可以先封住佢嘅肉汁再用浙醋令肥肉溶化 最后加上片糖/冰糖调较番个甜酸度同埋黏稠度
大家可以睇睇 一味貌似简单嘅黑醋骨其实存在好大学问 要整得好食 要喺食材 技巧到著手 呢份心意喺呢到可以完完全全体现到 仲要几十蚊就食到咁高水平嘅菜 真系超级正！
呢味韮黄鳝糊 唔好以为黑色啫系又系醋 鳝糊系咸甜味绝冇酸味 黑色只系因为用左老抽上色 今次就唔关浙醋事喇><
鳝糊已经唔系间间上海铺有 因为用料系黄鳝 黄鳝唔同用黎蒸嘅花锦鳝 佢地嘅size系细好多 主要用黎整汤整羹唔会蒸 平时我地去街市买到会帮我地㓥埋 但食店入货系生勾勾咁入 所以佢地系要亲自处理 因为size细(上面有旧其实已经系成条嘅size)所以斩头挑内脏系好高技巧 所以呢个就系点解而家咁难食到呢道名菜
另外鳝糊另一个灵魂就系个汁 老抽只系用作调色 味道上唔算好咸 要调较到呢个味道亦系呢味𩠌嘅难度所在 小弟到而家都唔明究竟要点整先整到呢一个味道 可能呢个就系鳝糊吸引我嘅地方
呢到嘅鳝糊用料多 好足料 汁嘅味道调得好好 而且价钱只系98 真系抵到一个极点^^
上面有个银丝卷 即叫即炸热辣辣 点解叫佢 因为用黎点鳝糊个汁 银丝卷喺搓嘅时候一层叠一层 令到表面积增加 用黎点汁就系一绝！
小笼包！又系抵到笑 不过唔记得左几钱>< 拿小笼包真系要薄皮先好食 呢到皮嘅厚薄适中 而且仲包住好多肉汁 性价比极高！
粗炒相对之下就失色左 因为用料唔多 都系得少少肉丝 火腿加埋d椰菜 系比较普通嘅使法 不过咁呢碟咁大碟都只系四十几蚊 而且炒得好干身好极味 都ok嘅
总括黎讲啦 呢到选择多 唔花巧 走平实嘅路线 价钱平得黎食物水平好高 又一间我热捧嘅平民小店呀！有机会要带女朋友仔食我好钟意嘅上海菜先！
张贴
