坤記粥店

营业中

休息中

由出世到而家我都未搬过屋..大概我算系石荫土生土长ge人...而自我有记忆之来坤记早已圪立于此..经过九七之后..好多附近ge餐厅食肆乃至文具舖都顶唔住而结业...但坤记做左咁多年仍然有好多街坊帮衬..我亦都可以话系由细食到大...刚刚考试临近最后一科前一日一大清早起身..落坤记食碗碎牛粥之后先返屋企温书抟杀..o个度环境十年如一日..店面两排都有人忙..左边ge负责炸油器..右边ge负责煲粥...整炸两..整肠粉..佢o个度d肠粉系自家制架...仲有一大盘萝卜糕同埋炒面...坤记ge碎牛粥系我由细食到大..反而其他野就好少叫...细个时返屋家母都会一大清早起身落去买粥比我同细佬做早餐...之后食饱满足咁返学...而家差不多十年光境..经历完人生第一个重大考验..当时ge小女孩亦开始蜕变..反而变左自己一个去食...自成一角...经历完呢个考验仲有无数个考验等紧我..凡事唔好咁睇重结果会帮自己减轻唔少压力!即使系有几困难都要好似坤记咁熬过呢个难关！