品曲奇 (利園二期) (已搬遷) 新店位置

早排去铜锣湾探朋友，行开见到呢盒包装咁靓嘅曲奇，送礼一流，所以就买咗嚟当送礼畀个朋友！即日食完晚饭就开箱试下，入面有几款唔同嘅口味，令我最印象深刻嘅绝对系香辣虾米！一食入口嘅虾米鲜味，加上本身嘅微辣刺激，十分之惹味！就连平时一啲都食唔到辣嘅我都非常欣赏，一食停唔到口，最后仲要攞走几块返屋企食。另外带畀我惊喜嘅仲有葱油鸡口味，食落去有阵酥香嘅味道，加上有阵淡淡嘅鸡香，一试难忘！而其他口味仲有XO酱、七味粉、红枣、提子花旗参、陈皮子姜同埋杏脯迷迭香，味道创新，而且每款都充满港式嘅风味，照顾大家唔同嘅需要，不论送礼定系自己享受都系一绝！