阿來泰式地道風味 (已結業)

今晚收工同朋友一齐食晚饭，我哋都好钟意食泰国菜，所以就嚟咗呢一间阿来泰国餐厅食饭。泰式无骨酸辣凤爪沙律整碟凤爪卖相美观，凤爪全是冧冧肉，一丁点骨都冇，酸辣味够醒胃口，凤爪爽口弹牙，非常入味，汁液丰盛。泰式香芒炒饭正宗泰式手作炒饭，有别于一般，优质芒果食材，零舍香甜，果味特浓，一颗颗圆润饱满饭粒，炒得清爽可口，两者配合相得益彰。泰式咸肉炒芥兰 呢一款咸肉炒芥兰，都不容错过，咸肉调味得宜，肉质软腍味浓，汁液丰富，芥兰青葱翠绿，爽脆又清甜，时间控制得绝妙， 大厨功劳功不可没。