度 (已結業)

📍铜锣湾 度Beyond coffee & bar喺精致既咖啡同饮食之外，更加多既系成为一个完梦既地方。餐厅位于铜锣湾，装修简约舒服，更加多嘅系呢一度系一个充满爱嘅地方。餐厅定期会同机构合作，举办唔同嘅展览，而今日就喺同扶康会合作嘅相片展，比精神康复者分享佢哋嘅相片集。🤍饮食方面亦都毫不吝啬，感受到厨师满满嘅用心。٩(˃̶͈̀௰˂̶͈́)و牛油果带子扁意粉 $148意粉系以青酱作为主调，配上牛油果软滑嘅口感，每一啖都感受到意粉满满嘅层次。加上鲜甜嘅带子，而意粉煮得烟靭，绝对推介钟意食pasta嘅朋友。蟹肉黑松露炒蛋牛角包 $88呢一个牛角包用料上乘，有满满嘅蟹肉。而佢嘅黑松露炒蛋好香黑松露味，而炒蛋炒得好嫩，加上啱啱烤好嘅牛角包，大满足🩵Matcha latte $50佢嘅拉花系一只狗仔，超级可爱。加上抹茶嘅香浓同牛奶嘅奶香，系呢一个寒冷嘅冬天感受到一丝丝嘅温暖🥰。Tiramisu $68听店员讲，呢一个甜品系佢哋自家制造。浓郁嘅咖啡味，加上软滑既口感，仲有唔同嘅生果同可爱嘅熊仔饼，绝对为呢一个精致嘅午餐做咗一个圆满嘅结束。