影片
更多
2022-06-09
199 浏览
📍Dazzling Cafe📍#馒头去尖沙咀 #馒头食西餐 #馒头食甜品 #馒头与cafe培养感情系列------------------------------1️⃣ 草莓缤纷冰淇淋松饼 加麻糬 ($95 + $15)呢款确实系少女打卡必备嘅甜品😂，卖相非常精致，Waffle嘅形状系8片花瓣，每一块都吱上忌廉，再加上士多啤梨做装饰。味道上，呢度嘅士多啤梨都几新鲜，Waffle真系做到外表微微香脆，内里非常软熟💕，而且蛋香都几浓郁；麻薯系小编贪得意先加嘅，但反而画蛇添足，因为麻薯质地偏黏口又冇咩味道，唔多唔少影响咗Waffle本身嘅松软口感💁🏻♀️。店家亦会提供士多啤梨、糖浆同炼奶三款酱，大家可以根据自己个人口味作出配搭，唔惊唔够味道；另外仲有一球疑似Moven Pick嘅士多啤梨雪糕，带有少量草莓果肉，每一啖都伴随酸酸甜甜嘅士多啤梨清新香气，成个combo系几正，而且非常之饱肚，虽然价钱唔平但我觉得尚可接受。当然甜品当正餐呢啲嘢真系唔好成日做🙈。◾评分：8.4/10------------------------------2️⃣ 法式蓝伯爵茶 ($45)话说小编都系落单𠮶阵先知道原来呢一度
------------------------------
1️⃣ 草莓缤纷冰淇淋松饼 加麻糬 ($95 + $15)
呢款确实系少女打卡必备嘅甜品😂，卖相非常精致，Waffle嘅形状系8片花瓣，每一块都吱上忌廉，再加上士多啤梨做装饰。味道上，呢度嘅士多啤梨都几新鲜，Waffle真系做到外表微微香脆，内里非常软熟💕，而且蛋香都几浓郁；麻薯系小编贪得意先加嘅，但反而画蛇添足，因为麻薯质地偏黏口又冇咩味道，唔多唔少影响咗Waffle本身嘅松软口感💁🏻♀️。
店家亦会提供士多啤梨、糖浆同炼奶三款酱，大家可以根据自己个人口味作出配搭，唔惊唔够味道；另外仲有一球疑似Moven Pick嘅士多啤梨雪糕，带有少量草莓果肉，每一啖都伴随酸酸甜甜嘅士多啤梨清新香气，成个combo系几正，而且非常之饱肚，虽然价钱唔平但我觉得尚可接受。当然甜品当正餐呢啲嘢真系唔好成日做🙈。
◾评分：8.4/10
------------------------------
2️⃣ 法式蓝伯爵茶 ($45)
话说小编都系落单𠮶阵先知道原来呢一度无论嗌咗咩嘢食都好，每一个人都必须嗌一杯饮品， 小编对呢种突如其来嘅捆绑式销售 唔太满意，但去到人哋嘅地方唯有尊重人哋嘅规矩，只能怪自己冇做好资料搜集。
不过讲玩讲佢呢杯茶都几好饮，啱啱摆上枱𠮶阵就已经闻到香浓嘅 Earl grey，伯爵茶入口带有些少果香，茶香清澈淡雅，冇过多嘅苦涩余韵，符合欧式茶嘅风格，另外亦附上鲜奶、棉花糖同方糖，成壶茶足够一个人饮4杯， 可以解去松饼鲜奶油嘅腻滑感。
◾评分：7.9/10
------------------------------
🔸整体评分：8.2/10
🔸小编回头率：7/10
张贴
