花香 (已結業)

呢间靓靓Cafe比我bookmark咗好耐啦🥳今次终于试到！开头以为会好多人排队，好好彩当日都唔系等咗好耐🌸成个环境装修充满少女气息，真系好靓💖蟹肉麻婆豆腐富士山饭一上枱就见到粉红色嘅富士山🗻卖相好吸引呀！蟹肉鲜甜足料，麻婆豆腐麻味非常突出，愈食愈惹味😋华丽大虾墨汁意粉墨汁意粉加入忌廉汁后口感更加顺滑，意粉烟韧有咬口，食到成个口都系黑色😂大虾份量好多！盐酥爆谷鸡爆谷鸡即叫即炸，一上枱仲系热辣辣！食落香脆可口😙好快就食晒啦！蕉焦脆脆吐司吐司卖相超吸引😍上面有大大个雪糕球、焦糖香蕉、焦糖脆脆等，超邪恶😈钟意食甜野嘅唔好错过～ 绝对系一餐美好嘅作结😍紫薯拿铁系好吸睛嘅紫色💜 带紫薯天然甜味！脏脏花生酱拿铁花生酱味道浓郁🥜仲有花生粒增加口感🤎加埋雪糕同忌廉，饮完呢杯应该肥几磅😂 好彩甜味同咖啡嘅苦涩平衡得几好～饮完都唔会觉得好Heavy，绝对系打卡首选📸️