漢斯 (已結業)

刚刚去完新加坡出trip，极之怀念当地叻沙嘅味道，咁啱去开鲗鱼涌揾朋友食饭，佢一听到我话想食叻沙就带左我黎汉斯。一到门口，店员就亲切咁介绍佢地嘅menu，笑容可掬，加分！我一心黎到就紧系要试佢地嘅招牌大虾叻沙啦，朋友就点左佢地另一招牌菜咖哩牛腩焗饭。汉斯嘅叻沙用米粉同油面沟埋一齐煮，一粗一幼口感十足，加上偏辣嘅汤底不稠不稀，好开胃！而且虾够新鲜弹牙，上两星期于新加坡一尝嘅地道风味番哂黎！叻沙用料多，鲜虾豆卜鱼片半流心蛋加上大量蔬菜，大碗夹抵食，必试！HK$68汤底微辣，超级开胃！朋友点的牛腩饭亦是水准之作，以焗饭形式上台，份量非常多。咖哩牛腩焗饭份量绝对十足，同样加入大量蔬菜，隔离枱男士都食唔哂！牛腩饭加入蒟蒻，增添烟un的新奇口感。不得不提佢地跟餐上嘅杂菜汤，用料绝不马虎，加上蒜蓉包，薄薄一片蘸汤同吃，饱肚健康！杂菜汤有齐椰菜花西兰花萝卜翠玉瓜粟米，稠身口感丰富。冻柚子蜜偏甜，单点$10。不过最令我惊喜嘅系，汉斯无论系叻沙定牛腩饭，汉斯都落左好多蔬菜做配料，听老板讲，咁做系希望平时多肉小菜嘅都市人，即使外出食饭都可以好似家常饭咁食到蔬菜，保持健康，老板嘅用心系真正要赞嘅地方！