Messina iL Ristorante (已結業)

星期日Messina有Sunday Brunch， 380元三个Course兼包无限添饮果汁， 580元包无限添饮白酒及红酒， 仲有880元包无限添饮香槟及名酒，而小童4岁以下免费， 但个餐唔包咖啡或茶。室内带有欧陆风情装修，落地玻璃维港景色引入自然光，一室光洁明亮。面包篮有好多款面包供应，松软脆酥各式其式，配橄榄油食，味道不错，整篮面包俾我哋吃光。Amuse bouche 系鲷鱼刺身， 伴碟装饰漂亮，鲷鱼新鲜。头盘有三款系俾大家share来食的， 有挪威烟三文鱼，parma ham， 焗番茄芝士茄子，份量十足。主菜分别叫咗牛同鱼， 安格斯牛排系用焗炉焗咗三个钟锁住肉汁， 非常Juicy。 条鱼煎得香滑， 伴菜嘅紫薯整到好似一件蛋糕咁，好特别。甜品车驶过来的时候绝对俾大家惊喜， 车上有七彩缤纷糖果花装饰同甜品样本好吸引，侍应细心说明各款甜品，每人可以拣一款。 我哋拣咗开心果心太软同Tiramisu， Yummy！ 最后仲有petit fours， 非常满足！总括来说食物非常好味，服务细心，下次有机会一定再来。