喜喜冰室

营业中

休息中

好耐无食喜喜，所以今日同男朋友去食饭就提议食喜喜🤤。第一次咁早去食，以前同男朋友黎亲食都一定系九点打后。不过就算系七点几呢啲食饭时间，喜喜都唔算好多人，都仲有好多位。如果有位拣，识坐一定系坐卡位🤣，每次都觉得自己好似坐紧小巴咁。喜喜冰室既装修行既系怀旧风。讲明先，本人对于一啲打住怀旧既旗号，但装修新簇簇既餐厅，系会觉得好奇怪同突兀🤦🏻‍♀️。不过喜喜既装修系有落苦功，佢地有啲真系以前既既卡式带同poster做摆设，再加上一啲香港本地特式既摆设，我系觉得做得几好既。系门口仲有张乒乓波台，比人等位或者食完饭玩下👍🏻🏓。除左装修有特色之外，连台面既调味盘都有特别。好似菲林筒既系牙签筒，另外佢地有真系一旧旧既方糖，我第一次见🤩。今次我嗌左干炒牛河转米粉（炒米粉爱好者🤣），男朋友就嗌左扬州炒饭。味道上唔算特别好食，不过炒得几香。份量就岩岩好，够一个人食饱肚。材料落得好足，我碟干炒牛米有好多块牛肉👍🏻。想提既系喜喜既员工服务态度都好好，仲记得第一次去食个阵仲请我同男朋友食蛋挞🤣。同埋系呢到可以食到好多旧式茶记既特式野食。次次黎到都想试佢地既特式野食，但两个人一人一个碟头饭就饱晒，根本食唔落其他野🤣。