Library Restaurant and Bar

营业中

休息中

朋友介绍过铜锣湾有个好适合打卡既餐厅，今日去试吓。一入去就似系踏入一个文学氛围浓厚嘅图书馆，灯光温馨，门口已经有打卡位。我地试咗几款嘢食。猫耳朵粉好有咬口，再加上茴香同辣味，加上本身蕃茄式既味道好开胃。味道浓郁，几正!薯波外脆内软，简单既前菜反而唔系太多餐厅做得好，喱到既薯波相对大粒，而且食得出唔系急冻货。意大利肉丸鲜嫩多汁，香料味道到位唔会抢左肉丸既味道，配埋面包食一流。意大利饭既菇香味好浓，上面有chedder cheese cream 同意大利饭完美结合,每啖都渗透菇汁同cheese既浓郁。野饮方面，餐厅有好多特别嘅酒款，每款都有独特故事同原料，用Menu详细介绍就好似睇书咁。我地试咗「四大美人」同「藏头诗」🤣，味道都系比较清新，店员介绍藏头诗喱个名其实既系用咗几款材料嘅第一个字母(Pages)砌埋而命名嘅。而四大美人就比较重生果味，有荔枝柠檬梨等混合嘅味道，酒味唔算太烈，好岩女仔饮。餐厅出面仲有露天位置，见到唔少女仔都系咁影相，真系拍拖一流既地点。