HOW Food Factory (已結業)

观塘区真系有好多靓楼上cafe，分享下今日朋友带我去呢间充满日式概念设计感嘅复合式文青咖啡空间，环境特别而且食物都好好味，适合朋友间渡过一个安静放松嘅下午☕🌿两个女仔叫左一个蜜糖芥末酱烤鸡汉堡套餐，一个系温泉蛋黑松露忌廉野菌意大利面套餐，两个都配沙律，亦可以选粟米汤。意大利面黑松露味都几香，忌廉汁唔算太浓有少少稀，不过整体都好食。汉堡就冇得弹喇，烤鸡肉汁非常鲜美，蜜糖芥末同烤鸡简直绝配，而且好大份，男仔都够食。我拣左冻cappuccino，奶泡好高好可爱，好香咖啡味，成餐lunch都好满意♡本来想试埋cake，但太饱食唔落，唯有下次再黎啦！